Í Kunoyar kommunu viðgera vit persónsupplýsingar, sum eru neyðugar fyri at kunna loysa okkara uppgávur. Tað er okkara ábyrgd at tryggja, at tú trygt kann lata kommununi tínar persónsupplýsingar.
Í hesi dátuverndarkunning kanst tú lesa nærri um hvussu vit viðgera persónsupplýsingar í okkara arbeiði sum kommunalur myndugleiki og um tíni rættindi í hesum sambandi. Hetta er galdandi hvørt tú ert borgari, veitari ella starvsfólk í kommununi.
Í dátuverndarkunningini koma vit nærri inn á:
Endmálið við okkara viðgerð
Flokkar av persónsupplýsingum
Hvaðani upplýsingarnar koma
Heimildargrundarlagið fyri viðgerðini
Hvørjum kommunan letur persónsupplýsingar til
Varðveitslu av persónsupplýsingum
Tíni rættindi
Dátuábyrgd og dátuverndarfólk
Kunoyar kommuna hevur sum kommunalur myndugleiki eina røð av uppgávum. Tað eru uppgávur sum borgaratænastur, skúli, bygging, umhvørvi o.a.
Vit viðgera persónsupplýsingar fyri at kunna loysa tær uppgávur og veita tær tænastur, ið kommunan sambært galdandi lógum skal loysa og veita.
Hvørjum persónsupplýsingum hava vit tørv á?
Júst hvørjar upplýsingar vit viðgera, valdast endamálið við viðgerðini.
Vit kunnu viðgera niðanfyri standandi bólkar av persónsupplýsingum, um tað er neyðugt fyri at loysa okkara uppgávur:
Vanligar persónsupplýsingar – Upplýsingar sum eitt nú navn, bústað, teldupostadressu, telefonnummar, matrikkulnummar o.a.
Viðkvæmar persónsupplýsingar – Upplýsingar um: húðarlit, ættarslag ella etniskan uppruna, politiska, átrúnaðarliga ella heimspekiliga sannføring,yrkisfelagsligt tilknýti,ílegudátur, biometriskar dátur (við tí endamáli eintýðugt at eyðmerkja ein persón),heilsuupplýsingar, upplýsingar um kynslig viðurskifti, revsiverd viðurskifti, ellaupplýsingar um munandi sosialar trupulleikar og onnur heilt privat viðurskifti.
Í flestu førum hava vit eisini tørv á tínum p-talið til eintýðuga eyðmerking.
Tú hevur altíð rætt til at fáa at vita, hvørjar upplýsingar vit viðgera um teg.
Hvaðani stava upplýsingarnar?
Í flestu førum fáa vit upplýsingarnar beinleiðis frá tær.
Vit kunnu eisini fáa upplýsingar frá eitt nú
Tú hevur rætt til at verða kunnað/ur um hvørjar upplýsingar vit skráseta um teg.
Hvør okkara viðgerðarheimild er, veldst um hvørjar upplýsingar vit viðgera og hvat endamálið við viðgerðini er. Vit kunnu einans viðgera upplýsingar, sum eru neyðugar til endamálið við viðgerðini.
Okkara viðgerðarheimild eftir dátuverndarlógini (“DVL”) er í høvuðsheitum:
Umframt ásetingunum í DVL eru serligar reglur galdandi fyri viðgerð av persónsupplýsingum á einstøkum lógarøkjum. Tá ið slíkar serreglur eru galdandi, fylgja vit sjálvsagt eisini hesum reglum.
Í einstøkum førum hava vit tørv á samtykki frá tær fyri at viðgera persónsupplýsingar um teg. Til dømis er neyðugt við samtykki frá tær, um vit vilja nýta eina mynd av tær ella tínum barni á okkara heimasíðu. Slíkt samtykki verður fingið til vega sambært ásetingunum í DVL § 9.
Hvørjum letur Kunoyar kommuna persónsupplýsingar?
Kunoyar kommuna letur bert persónsupplýsingar víðari, tá ið hetta er neyðugt, fyri at kunna loysa okkara uppgávur, og sjálvandi bert tá ið heimild er fyri tí.
Vit kunnu eitt nú lata persónsupplýsingar víðari til okkara dátuviðgerar (uttanhýsis veitarar). Uttanhýsis dátuviðgerar viðgera dátur okkara vegna eftir nærri ásettum avtalum. Hesar avtalur innihalda skjalfest boð um, hvussu persónsupplýsingar skulu viðgerast, og at persónsupplýsingar bert kunnu viðgerast sambært hesum boðum.
Í útgangsstøðinum verða persónsupplýsingar ikki fluttar til lond uttan fyri ES/EBS. Um upplýsingar verða fluttar til lond uttan fyri ES/EBS, tryggja vit okkum, at verndarstøðið er nøktandi ella at fullgóð trygd er fyri, at rættindi og virkin rættarstig eru tøk fyri skrásetta.
Vit kunnu lata persónsupplýsingar víðari til myndugleikar, fyritøkur, ráðgevar og aðrar persónar, sum vit skulu samskifta við í sambandi við málsviðgerð.
Kunoyar kommuna hevur skyldu til at varðveita upplýsingar í málum, fyri at skjalfesta málsviðgerðina. Hetta er krav sambært fyristingarlóggávu, skjalasavnslóggávu v.m.
Vit strika tínar upplýsingar, tá ið vit ikki hava tørv á teimum longur. Tínar upplýsingar verða sum oftast goymdar líka leingi sum sjálvt málið, ið upplýsingarnar eru partur av. Hetta er í flestu førum fimm ár, frá tí at málið er liðugt viðgjørt.
Á summum økjum kann styttri ella longri strikingarfreist vera ásett í lóg.
Tú hevur sambært DVL eina røð av rættindum í mun til okkara viðgerð av tínum persónsupplýsingum. Um tú ynskir at útinna hesi rættindi, skalt tú seta teg í samband við kommununa.
Tú hevur rætt til at fáa at vita, hvørjar persónsupplýsingar kommunan hevur um teg.
Fyri at kunna viðgera tína umbøn um innlit, heita vit á teg um at greiða okkum nærri frá á hvørjum øki, tú hevur havt samband við kommununa, t.d. vegna heimahjálp, skúla o.a. Hetta ger tað lættari hjá okkum at finna upplýsingarnar fram um teg.
Um okkara viðgerð av tínum persónsupplýsingum er grundað á samtykki frá tær, hevur tú altíð rætt til at taka samtykkið aftur. Tá ið tú tekur samtykkið aftur, steðga vit viðgerðini av teimum persónsupplýsingum, sum var grundað á samtykkið.
Gev gætur, at um tú tekur aftur eitt samtykki, eru vit møguliga ikki før fyri at veita tær eina ávísa tænastu.
Tú hevur rætt til at biðja um at fáa rættað persónsupplýsingar, sum eru rangar ella villleiðandi, soleiðis at vit ikki viðgera upplýsingar um teg, sum eru skeivar ella ófullfíggjaðar.
Í serligum føri hevur tú rætt til at biðja um at fáa strikað persónsupplýsingar, sum vit hava um teg. Rætturin er ikki treytaleysur, tá ávísir upplýsingar ikki mugu strikast grundað á aðra lóggávu, ella um avtala og ávíst endamál gevur kommununi rætt til at varðveita og viðgera persónsupplýsingarnar.
Tú kanst átala, at persónsupplýsingar um teg verða viðgjørdar. Um átalan má metast heimilað, skulu persónsupplýsingarnar um teg ikki viðgerast. Tó kunnu upplýsingarnar møguliga framvegis nýtast til at viðgera onnur lóglig endamál.
Í serligum føri hevur tú rætt til at biðja um at fáa viðgerðina av tínum persónsupplýsingum avmarkaða. Um treytirnar til viðgerðaravmarking eru loknar kunnu vit einans viðgera tínar persónsupplýsingar í serligum førum.
Tú hevur altíð møguleika at klaga til Dátueftirlitið, um tú ert ónøgd/-ur við okkara viðgerð av tínum persónsupplýsingum.
Tú finnur kontaktupplýsingarnar hjá Dátueftirlitinum á www.dat.fo.
Kunoyar kommuna er dátuábyrgdari. Allir spurningar og viðurskifti viðvíkjandi persónsupplýsingum og dátutrygd ella møguligum trygdarbrotum skulu stílast til kommununa.
Samband við kommununa:
Kunoyar kommuna
Kunoyargøta 7
780 Kunoy
Tlf. +298 45 99 00
Teldupostur: kunoy@kunoy.fo
Um tú sendir kommununi teldupost, eigur telduposturin ikki at innihalda trúnaðar- ella viðkvæmar upplýsingar, uttan so at telduposturin er bronglaður.
Samband við okkara dátuverndarfólk (DPO)
Kunoyar kommuna hevur valt at seta eitt uttanhýsis dátuverndarfólk, og tískil hevur viðkomandi ikki postadressu í Kunoyar kommunu.
Dátuverndarfólkið veitir okkum hjálp við at tryggja dátuverndina í kommununi. Um tú hevur spurningar viðvíkjandi tínum rættindum í sambandi við okkara viðgerð av tínum persónsupplýsingum, kanst tú seta teg í samband við dátuverndarfólkið.
Samband:
DátuverndarfólkJens Chr. Olsen, Certif. Dátuverndarfólk
Eirin
Undir Nesinum 14
FO-650 Toftir
Tlf. 784070.
Teldupost: jco@eirin.fo
Um tú sendir dátuverndarfólkinum teldupost, eigur telduposturin ikki at innihalda trúnaðar- ella viðkvæmar upplýsingar, uttan so at telduposturin er bronglaður.